Halos mag-iisang taon na simula nang umalis si Anne Curtis sa Pilipinas para duon isilang ang anak na si Dahlia Amelie.
Sa Melbourne, Australia nila napagkasunduan ng asawa na si
Erwan Heussaff na duon ipanganak ang kanilang unang baby. Wala rin namang
kasiguraduhan kung kailan babalik ang pamilya ni Anne sapagkat inabutan na rin
sila duon ng pandemic at lockdown.
Gayun pa man, kahit nasa malayo at nasa ibang bansa si Anne
ay patuloy pa rin ang kanyang pagtulong sa mga nangagailangan dito sa bansa.
Isa si Anne sa mga artista na hindi ipinangangalandakan ang pagtulong sa mga
mahihirap o nangangailangan.
Ngunit mahirap rin na hindi ibahagi ang ginawang pagtulong at
kabutihang ginawa ng aktres kay Reymark Molbog, ang 24-year-old brother ng
isang portrait artist na si Ronald Molbog.
Si Reymark at Ronald ay nasa pitong magkakapatid at puro
lalaki. Sila ay ulila sa ama, may sakit naman sa kidney ang kanilang nanay na
si Evelyn, habang mayroon din silang kapatid na may karamdaman sa pag-iisip.
Sa kuwento ni Ronald, napakahirap daw ng kanilang buhay at
kinailangan niyang ihinto ang kanyang pag-aaral nuong sila ay naninirahan pa sa
Sorsogon. Kasalukuyan silang nakatira ngayon sa Novaliches, Quezon City.
Pinagsasabay ni Ronald ang kanyang pag-aaral at pagguhit o
pag drawing ng mga portrait. Taong 2019 nang matuklasan ni Ronald ang kanyang talent
sa pagguhit at ang paboritong niyang si Anne ang isa sa mga ginawa niyang
subject.
Nito lamang November 1, 2020 ay dinala si Reymark sa isang
ospital sa Novaliches at nirekomenda ng doktor na sumailalim ito sa appendectomy
surgery. Malaking problema naman ito para sakanilang pamilya dahil kapos sila
at walang pera.
Sa kuwento ni Ronald ay noong gabi raw na iyon ay nakita
niya na umiiyak ang kanyang kuya dahil hindi nito alam kung saan kukuha ng pera
para sa kanyang operasyon.
Duon niya naisip nab aka raw makatulong ang mga artwork
kahit papano dahil sobra na raw siyang naawa sa kanyang kuya.
Nag-post si Ronald sa kanyang facebook page ng kanyang mga
artwork, at kabilang na nga duon ang charcoal portrait ni Anne.
“Kakapalan ko na po ang muka ko, gusto ko lang po sana
humingi ng kaunting tulong para sa operasyon ng kapatid ko.”
“Gusto ko pong ibenta ang artworks ko o pag-bigay ng kahit
piso lang wala na po talaga kase kaming ibang malapitan, ang mama ko walang
trabaholahat may sakit din ang papa ko patay na kaya kuya ko na lang bumubuhay samin wala rin siya ngayong
trabaho.”
Ayon pa kaya Reymark, lahat raw ng pwedeng mahingiian ng
tulong ay nalapitan na nila at humihingi ito ng pasensiya sa abala.
Lingid sa kaalaman ni Ronald, isang fan ni Anne ang nakakita
ng kanyang post at ipinadala sa aktres ang link ng panawagan nito. Nagulat si Ronald
ng makatanggap siya ng message mula sa assistant ni Anne sa Dream Machine. Ito
ay ang foundation ni Anne na nagbibigay katuparan sa mga pangarap ng mga deserve
tulungan.
Nag chat daw ito sa messenger at tinanong kung magkano ang
charcoal portrait ni Anne, ngunit naibenta niya na raw ito ng P1,000 dahil
kailangan na kailangan nila ng pera.
Kaya naman nagtanong na lamang daw ito kung magkano pa ang
kulang sa operasyon ng kanyang kuya, at sila na lamang daw ang magbabayad.
Hindi pa rin makapaniwala si Ronald na nakarating kay Anne
ang kanyang panawagan na nagawa silang tulungan nito.
Kaya bilang pasasalamat naman ay gumawa ulit si Ronald ng
charcoal portrait ni Anne na kasama naman ang asawa na si Erwan.
Nag-tweet si Ronald kay Anne at ipinakita niya ang kanyang
bagong artwork para sa aktres at may mesnahe na;
“Hi Ms. Anne, ako po yung kapatid ni Reymark, yung
inoperahan po. Maraming maraming salamat po ulit sa tulong nyo sa amin sa
operasyon niya, ginawan ko nga po pala kayo ng charcoal portrait. Gusto ko
sanang ibigay sa inyo.
Hindi naman nabaelawala ang tweet na ito ni Ronald dahil nag
response si Anne kanyang sagot ay; “Awwww pakisabi sa kapatid Maraming maraming
salamat. This is so sweet.”
Post a Comment