Rhap Salazar on Coming Out - As Member of LGBTQ Community

Sa unang pagkakataon ay ibinahagi ni Rhap Salazar ang kanyang coming out story. Matagal nang usap usapan ang tungkol sa talagang sexual orientation ni Rhap, ngunit wala naman siyang pag-amin o pag-tanggi sa nasabing isyu. Noong February 14, 2020, Valentine’s Day ay nag-post ang 23-year-old singer sa kanyang Instagram account ng dalawang lalaki na magkayakap at tinatanaw ang water falls.

Ang lalaking nasa litrato ay si Rhap at ang kanyang boyfriend. Iyon ang naging hudyat ni Rhap sa kanyang pag-reveal sa publiko. Nuong April naman ay nag-post ulit ang singer ng kanilang litrato, sa pagkakataon na ito ay ipinakita na nila ang kanilang mukha. Ang kanyang nobyo ay si Erwin Laroya, 30.

Kahit open na si Rhap sa kanyang social media accout sa pag-popost ng litrato ng kanyang nobyo, hindi pa rin nag-sasalita si Rhap ng tungkol sa kanyang pagka-come out.

August 10, 2020 ng eksklusibong naglahad si Rhap ng tungkol sa kanyang pag-amin bilang isang miyembro ng LGBTQ++ ( gay, lesbian, bisexual, transsexual, queer) community. Sabi niya,

“It was a struggle somehow, kasi madami nga ang nakakakita at madami silang nasasabi sa bawat kilos o galaw ko. I find it really insulting kapag tinatawag akong ‘bakla’, ‘bading’, or ‘gay’ when I was little. Sobrang uncomfortable yung pakiramdam.”

Dinala niya raw ang hirap na ito hanggang sa kanyang pagbibinata. Naging tampulan din siya ng pangungutya sa social media ng mga netizens. Ngunit mas pinili pa rin ni Rhap na manahimik at wag ng patulan pa ang mga komento tungkol sa kanya.

“ Before, I am aware that people were questioning na about my gender, and tahimik lang ako at ini-enjoy lang  ang work with ABS-CBN, until I learned how to accept who I really am. From insult, naging lakas ng loob ko na siya.”ayon kay Rhap.

Hanggang noong 2019 ay nagkaroon na ng lakas ng loob si rhap at umamin siya sa kanyang pamilya.

“Last year I decided to come out to my family which was very challenging yet soul-satisfying.” Sabi pa ni Rhap, “Nobody pushed me to come out. It is just I want to be more of myself. I started to love myself more and be happy.”

Ayon kay Rhap, hindi na raw siya nababahala sa mga kumukutya sa kanya. Masaya siya kung ano siya at tinanggaap siya ng kanyang pamilya at mga kaibigan.

“Coming out was really the best relief na naramdaman ko sa sarili ko. That I will never live my life again hiding and pretending to be someone that I am not.”

Nakilala si Rhap Salazar nang itanghal siya bilang Brightest Star sa Little Division ng singing search sa “Little Big Star” noong 2005 sa ABS-CBN. Si Sarah Geronimo nuon ang host ng singing competition kung saan duon din nadiskubre sina Sam Concepcion, Makisig Morales at Charice Pempengco, na ngayon ay kilala na bilang Jake Zyrus. Binigyan din nuong November 2009 si Rhap ng standing ovation sa “The Ellen DeGeneres Show” nang kantahin niya ang “All By Myself” ni Celine Dion.