Nitong nakaraang July 20, 2020 ng kumpirmahin ni Michael V.
or Bitoy na siya ay nag positibo sa COVID-19. Ibinahagi niya ito sa kanyang
mismong Youtube channel.
August 3 ng muli siyang mag-upload ng kanyang video sa
kanyang channel at ibahagi ang naranasan niyang hirap dahil sa diskriminasyon
sa kanyang sakit. Ani ni Bitoy, hindi biro ang hirap ng pinagdadaanan ng isang
COVID-19 patient.
Sinabi niya ang
pinakamatinding makakalaban mo sa sakit na ito ay ang lungkot. Malungkot na
hindi man lang niya mayakap ang kanyang asawa’t anak na nasa kabilang kwarto
lamang ng kanilang bahay. Dagdag pa niya, paano pa daw kaya ang mga severe
cases na talagang tinanggalan na ng karapatan na makita ang mahal nila sa
buhay.
“Nakakadagdag din sa sakit yung stigma ng lipunan
sa COVID-19 patients. Para kang tinatakan ng reject ng lipunan. Kahit naka-full
PPE [personal protective equipment] ka, iniiwasan ka ng mga tao, kinatatakutan,
pinandidirihan. Ang masama, yung iba hinihiya o hina-harass ka pa. Hindi ko na
lang idedetalye, pero kami mismo ng pamilya ko, naka-experience kami ng
harassment.”
“Eh wala, ganun talaga, kaya siguro yung iba ayaw na lang
ipaalam na may COVID sila, or worse, kahit may nararamdaman na, ayaw na lang
nila magpa-test. Kasi bukod sa gagastos ka na, dadaanan mo pa yung mga ganun.”
Yan ang sentimyento ni Bitoy sa kanyang Youtube channel. Ayon sa kanya, hindi
ito tamang gawin. Payo pa niya, “Huwag niyo na lang intindihin ang sasabihin ng
iba, ipagdasal niyo na lang sila.”
Sabi pa niya “Hindi biro ang magka-COVID, nawalan lahat ng
meaning yung lahat ng gamit ko dito. Ni wala akong ganang mag-set up,
magkalikot, mag-PS4, o kahit mag-Youtube o mag-Netflix wala..”
Ayon sa kanya, ayaw niya daw gumawa ng vlog at ang gusto
lamang niya ay gumaling na kaagad para mayakap ang kanyang pamilya. Ayon pa sa
kanya, siyam na araw na daw siyang hindi nakakaramdam ng sintomas ng ishoot
niya ang kanyang vlog.
Post a Comment